Վենեսուելայի ընդդիմության առաջնորդ Խուան Գույադոյին, որն իրեն երկրի ժամանակավոր նախագահ է հռչակել, Սահմանադրական վեհաժողովի որոշմամբ զրկել են պատգամավորական անձեռնամխելությունից։ Այժմ խորհրդարանի նախկին խոսնակի նկատմամբ կարելի է քրեական հետաքննություն անցկացնել։
Այս մասին ապրիլի 2-ին հայտարարել է Սահմանադրական վեհաժողովի նախագահ Դիոսադո Կաբելյոն նիստի ժամանակ, որը հեռարձակել են պետական հեռուստաալիքները։
Կաբելյոն նշել է, որ Վեհաժողովն այդպիսի որոշում է կայացրել Գերագույն դատարանից ստացած միջնորդության հիման վրա և որոշել թույլ տալ «քրեական հետաքննություն սկսել քաղաքացի Խուան Գուայդոյի նկատմամբ»։
Ընդդիմադիրն իր կողմնակիցներին արդեն հայտարարել է, որ ինքը վախենում է կալանքից կամ հատուկ ծառայությունների կողմից «առևանգվելուց»։
