Իրանի արտաքին գործերի նախարար Մոհամադ Ջավադ Զարիֆը ԱՄՆ-ի կողմից Թեհրանի նկատմամբ գործադրվող ճնշումը որակել Է «տնտեսական ահաբեկչություն», քանի որ այն խանգարում Է օգնություն ցուցաբերել Իրանում հեղեղումներից տուժածներին։
«ԱՄՆ-ի նախագահ Դոնալդ Թրամփի «առավելագույն ճնշումը»՝ ՄԱԿ-ի Անվտանգության խորհրդի 2231 բանաձեւի եւ Միջազգային դատարանի վճռի չկատարումը, խանգարում են իրանկան Կարմիր մահիկի կողմից բոլոր այն շրջաններին օգնություն ցուցաբերելուն, որոնք ամայացել են աննախադեպ հեղեղումներից»,- գրել Է Զարիֆը Twitter-ում, նշելով, որ Իրանն այդ պատճառով չի ստանում փրկարար ուղղաթիռներ:
«Սա պարզապես տնտեսական պատրերազմ չԷ, սա տնտեսական ահաբեկչություն Է»,- հավելել Է Իրանի ԱԳ նախարարության ղեկավարը:
Անցած շաբաթվանից Իրանում մոլեգնում են տեղատարափներից առաջացած սաստիկ հեղեղումները, որոնք ընդգրկել են երկրի նահանգների մոտավարապես մեկ երրորդը: Տարերքի հարվածը տասնյակ մարդկանց կյանք Է խլել: Երկրի իշխանությունները որոշել են զինվորականներին գործի դնել տուժածներին օգնելու եւ հեղեղումների հետեւանքները վերացնելու համար։
