Թուրքիայի նախագահ Ռեջեփ Թայիփ Էրդողանի կուսակցությունը 16 տարվա ընթացքում առաջին անգամ պարտություն է կրել մայրաքաղաք Անկարայում։ Այդ մասին գրում է regnum.ru-ն։
Ընդդիմադիր Հանրապետական ժողովրդական կուսակցության (ՀԺԿ) կողմից քաղաքապետի թեկնածության համար առաջադրված Մանսուր Յավաշը մոտ 4%-ով ավելի ձայն է հավաքել, քան Էրդողանի Արդարություն և առաջընթաց կուսակցության (ԱԱԿ) թեկնածու Մեհմեթ Օզխասեկին։
Ընդդիմությունը մոտ է եղել հաղթանակին նաև Ստամբուլում։ 15 մլն բնակչություն ունեցող քաղաքում ընդդիմության թեկնածուն իշխող կուսակցության թեկնածու, Թուրքիայի նախկին վարչապետ Բինալի Յըլդըրըմից հետ է մնացել ընդամենը 4 հազար ձայնով։ Յըլդըրըմը հավաքել է ձայների 48,71%-ը, իսկ թուրքական ՀԺԿ-ի թեկնածու Էքրեմ Իմամօղլուն՝ 48,65%-ը։