Ինչպես հաղորդում է France Presse գործակալությունը, ԱՄՆ կողմից 2001 թ.-ից վարվող պատերազմներում զոհվել է առնվազն 225 հազար մարդ և ծախսվել է առնվազն 3.7 տրիլիոն դոլար: Հետազոտությունները, որոնք ղեկավարվել են Նեթոյ Քրոուֆորդի և Քեթրին Լուցի գլխավորությամբ, ներառել են Իրաքի և Աֆղանստանի պատերազմները:
«Նվազագույն հաշվարկներով այդ պատերազմներին զոհ է դարձել 225 հազար մարդ և վիրավորվել է 365 հազար»,- նշվում է հետազոտության մեջ: Ամենաթանկ գինը վճարել է քաղաքացիական բնակչությունը՝ 172 հազար, որոնցից իրաքցիները կազմել են 125 հազար, պակիստանցիները՝ 56 հազար և աֆղանցիները՝ 12 հազար: Սպանված գրոհայինների թիվը կազմում է 20-51 հազար:
Ամերիկացիների ռազմական կորուստները այս ընթացքում կազմել են 6 հազար սպանված, դաշնակիցներինը՝ 1.2 հազար, Իրաքում սպանվել է 9.9 հազար զինվորական, Պակիստանում՝ 3.5 հազար, Աֆղանստանում՝ 8.8 հազար: Զոհվել են նաև 168 լրագրողներ և հումանիտար կազմակերպությունների 266 աշխատակիցներ: Այս պատերազմների արդյունքում 7.8 միլիոն մարդ դարձել է փախստական:
