«Առաջին լրատվականը» ստացել է Վրաստանի հայերի միության նախագահ Հենրիխ Մուրադյանի հետևյալ հայտարարությունը.
«Ս.թ. հուլիսի 1-ին «Հայկական ժամանակ» օրաթերթում տպագրված տեղեկատվությունն առ այն, որ ՀՀ արտաքին գործերի նախարար Էդվարդ Նալբանդյանի՝ Վրաստանում տեղի հայ համայնքի հետ հանդիպումից առաջ խնդրանք է եղել, որ անցանկալի հարցեր չտրվեն, այն աստիճան սուտ է, որ ուղղակի բառեր չենք կարող գտնել մեր վրդովմունքն արտահայտելու համար: Հունիսի 29-ին տեղի ունեցած՝ հայ համայնքի հետ հանդիպմանը մասնակցել են շուրջ 100 վիրահայեր, որոնք ներկայացնում էին Վրաստանի հայ համայնքի գրեթե բոլոր կառույցները՝ բոլոր շրջաններից, այդ թվում՝ Ջավախքից: Ծավալված զրույցի ընթացքում հնչել են բազմաբնույթ, այդ թվում՝ շատ սուր հարցեր առանց որևէ սահմանափակումների»:
