Հայտնի երաժիշտ Սերժ Թանկյանը Newshub պարբերականում հրապարակված իր հոդվածում անդրադարձել է Նոր Զելանդիայում տեղի ունեցած ահաբեկչությանը և Թուրքիայի նախագահ Ռեջեփ Թայիփ Էրդողանի հայտարարություններին, որոնք հաջորդել են այդ ողբերգական իրադարձությանը։
Իր հոդվածում System of a down խմբի մենակատարը կոչ է արել վերջ դնել Գալիպոլիի ուխտագնացությանը:
Թանկյանը մասնավորապես գրում է, որ իր նախնիներն ականտես են եղել թուրքական վայրագություններին, ուստի ինքը Գալիպոլիի ճակատամարտի օրվան նվիրված ուխտագնացությունը թուրքական քարոզարշավ է համարում։
«Ես հարգում եմ իրենց զոհված հերոսներին հարգանքի տուրք մատուցող ընտանիքներին, սակայն չեմ վստահում ժամանակակից Թուրքիայի ղեկավարների մտադրություններին»,-գրել է Թանկյանը։
Ըստ Թանկյանի՝ ահաբեկում է նորզելանդացիներին և ավստրալացիներին՝ ասելով, որ նրանց նախնիները Թուրքիայից դագաղներով են հետ դարձել։
Ապա Սերժ Թանկյանն իր հոդվածում հռետորական հարց է հնչեցնում՝ ուղղված համաշխարհային առաջնորդներին և որոշում կայացնողներին․ «Ինչի՞ եք սպասում։ Գուցե ևս մեկ ցեղասպանությա՞ն»։ Երաժիշտն Էրդողանին բռնակալ է անվանել՝ վստահ լինելով, որ նա կշարունակի ապակայունություն ստեղծել տարածաշրջանում և աշխարհում։
