Այսօր տեղի ունեցավ միջազգային ոստիկանական ասոցիացիայի հայաստանյան ներկայացուցչության հիմնադիր ժողովը: Հիշեցնենք, որ հայաստանյան ներկայացուցչությունը գործում է արդեն երկու տարի՝ Ռուսաստանի հովանու ներքո: Սակայն անդամները հույս ունեն, որ Հայաստանը կդառնա միջազգային այս կառույցի լիիրավ անդամ:
Հիմնադիր ժողովի ընթացքում կից կառույցի ստեղծման համար քվեարկության ընթացքում ներկայացուցչության 60 տոկոսից ավելին քվեարկեցին նոր կառույցի ստեղծման օգտին, ոչ թե Ռուսաստանի, այլ անկախ՝ Հայաստանի համար. «Ի՞նչ է տալիս լիիրավ անդամ լինելը Հայաստանին՝ նախ մարդու իրավունքների պաշտպանության հզոր երաշխիք, դիվանագիտական հարաբերություններ՝ ներկայումս անդամ 62 պետությունների հետ, որոնցից միայն 13-ի հետ ունենք դիվանագիտական կապեր»,- ասաց Հայաստանում միջազգային ոստիկանական ասոցիացիայի նախագահ Գրիգոր Սարգսյանը:
Սեպտեմբերի 25-ին Ռումինիայում կայանալիք գագաթնաժողովին Հայաստանը ներկայանալու է որպես դիտորդ՝ Ռուսաստանի միջնորդությամբ: 2012 թվականին Իսրայելում կորոշվի՝ արդյոք Հայաստանը կդառնա՞ լիիրավ անդամ, թե ոչ:
Հիմնադիր ժողովին ներկա են միջազգային ոստիկանական ասոցիացիայի նախագահը և գլխավոր քարտուղարը:
