«Հայաստանում սպառողները ցանկացած ոլորտում խնդիր ունեն»,- «Առաջին լրատվական»-ի հետ զրույցում ասաց «Սպառողների խորհրդատվության կենտրոն» ՀԿ նախագահ Կարեն Չիլինգարյանը։
Նրա խոսքով՝ խնդիրները ամենուր են՝ և՛ սննդամթերքի անվտանգության, և՛ հանրային ծառայությունների, և՛ տրանսպորտի ոլորտում, և չկա մի կառույց, որը զբաղվի միայն սպառողների խնդիրներով: «Սպառողը մի խնդիր է ունենում և հայտնվում է մոլորության մեջ, չգիտի՝ ում դիմի, ինչ անի, որ կառույցի թեժ գիծ զանգի։ Մեզ մոտ չկա դա։ Միակ կայացած ոլորտը ֆինանսականն է, երբ գործում է ֆինանսական համակարգի հաշտարար, ու սպառողի խնդիրների դեպքում հաշտարարը զբաղվում է այդ հարցով և լուծում տալիս։ Այլ ոլորտներում սպառողն իր իրավունքները կարողանում է պաշտպանել բացառությամբ դատարանում։ Պետական մարմինների միջոցով դա հնարավոր չի լինում»,- ընդգծեց Չիլինգարյանը։
Մեր զրուցակիցն անդրադարձավ նաև սննդամթերքի անվտանգությանը, մայթեզրերին վաճառվող մսամթերքին ու այլ սննդամթերքներին։
Առավել մանրամասն՝ տեսանյութում:
