Իրանը պատրաստվում է Լաթաքիա քաղաքում տեղակայված սիրիական առևտրային նավահանգստի վերահսկողությունն իրականացնել, հաղորդում է Times-ը:
Խոսքը 2019-ի հոկտեմբերի 1-ից իրանցի մենեջերներին Լաթաքիայի կոնտեյներային նավահանգստի վերահսկողության հանձնման մասին է, ներկայումս ղեկավարող ընկերության հետ պայմանագրի ավարտից հետո: Առևտրային նավահանգստի վերահսկողությունը Թեհրանին կարող է օգնել Իրանից Իրաքի տարածքով Միջերկրական ծով և Սիրիա տարանցիկ երթուղու անվտանգության ապահովման հարցում:
Նավահանգստի տարածքում 23 պահեստ կա: Մինչև երկրում ռազմական գործողությունների սկսվելը, տարեկան շուրջ 3 մլն տոննա բեռ է տեղափոխվել: Այսօր Լաթաքիա նավահանգիստի կառավարումն իրականացվում է Souria Holding սիրիական ներդրումային ընկերության և CMA CGM ֆրանսիական տրանսպորտային ընկերության կողմից ստեղծված համատեղ ձեռնարկության կողմից:
Միևնույն ժամանակ նավահանգիստը պատկանում է Սիրիային և 2015-ից ի վեր ԱՄՆ պատժամիջոցների տակ է: Իրանական իշխանությունները բացահայտորեն աջակցում են Բաշար Ասադի կառավարությանը 2011 թ.-ից Սիրիայում սկիզբ առած զինված ընդհարումից ի վեր: Պաշտոնական վարկածի համաձայն, իրանական ուժերը երկրի տարածքում են միայն որպես ռազմական խորհրդատուներ: