Մեծ Բրիտանիայի բնակչուհի 29-ամյա Էմմա Մարշալի առողջական վիճակը 5 տարվա ընթացքում աստիճանաբար վատացել է լոգարանի բորբոսի պատճառով: Նրա խոսքերով՝ 2014-ից նրան սկսել են անհանգստացնել պարբերական գլխացավերը, մաշկի հետ կապված խնիրներ են ի հայտ եկել, սակայն բժիշկները նրա մոտ ոչ մի հիվանդություն չեն հայտնաբերել:
«Ես այս ամենը վերագրում էի սթրեսին և շատ աշխատելուն»,- պատմել է կինը:
2015-ին նրա մոտ երիկամային ինֆեկցիա է հայտնաբերվել, իսկ երկու ամիս անց ընկել է և լրջորեն վնասել ձեռքը, որից հետո մարմնի տարբեր հատվածներում սուր ցավեր են սկսվել: Այս ամենին հաջորդել է կույր աղիքի վիրահատությունը:
Էմման բազմիցս դիմել է բժիշկներին՝ չդադարող հիվանդությունների պատճառը գտնելու համար, սակայն ապարդյուն:
ժամանակի ընթացքում կնոջ հիվանդությունների ցանկը միայն մեծանում էր: Նա գանգատվում էր անքնությունից, հիշողության կորստից, մազաթափությունից և դեմքի այտուցներից:
2018-ի վերջին Էմման հուսահատ վիճակում սկսել է համացանցում նման ախտանշաններով հիվանդություններ փնտրել, որի արդյունքում հոդված է գտել միկոտոքսիններով՝ բորբոսի արտադրած թույներով, թունավորման մասին:
2019-ին հետազոտությունների արդյունքում պարզվել է, որ Մարշալի օրգանիզմում միկոտոքսինների մակարդակը իսկապես գերազանցում է թույլատրելի նորման:
Այժմ Էմման նախատեսում է Մեքսիկա ուղևորվել, որտեղ կկարողանան նրան անհրաժեշտ բժշկական օգնություն ցույց տալ:
