Զինված անձինք՝ քաղաքացիական հագուստով և սաղավարտներով, ներխուժել են Վենեսուելայի մայրաքաղաքում գտնվող «Ժողովրդական կամք» ընդդիմադիր շարժման շենք և այն վերցրել իրենց վերահսկողության տակ: Այս մասին հաղորդում է Ria Novosti-ն:
Համացանցում հայտնված կադրերից երևում է, թե ինչպես են մի քանի մարդիկ ներխուժում գրասենյակ և զենքն ուղղում այնտեղ գտնվող մարդկանց վրա: Հետո մի քանի րոպեի ընթացքում նրանք փորձում են կոտրել հիմնական սրահի դուռը:
Հիշեցնենք, որ «Ժողովրդական կամք»-ի առաջնորդ Լեոպոլդո Լոպեսին իշխանությունները մեղադրում են անցյալ շաբաթ հակակառավարական ակցիաների ժամանակ անկարգություններ կազմակերպելու մեջ: Նրա նկատմամբ հայտարարվել էր հետախուզում:
Նա թաքնվում էր, սակայն կիրակի օրը Twitter-ի իր միկրոբլոգում տեղադրել է տեսաուղերձ՝ կողմնակիցներին կոչ անելով փետրվարի 18-ին նոր բողոքի ակցիա կազմակերպել: