«Ես կարծում եմ, որ պետք չէ սպասել ընտրությունների նախաշեմին նորից օրենսգիրք փոխել, առավել ևս, որ ունենք պատրաստի նախագիծ։ Միգուցե կարող ենք ասել, որ նախագիծը շատ էր հապճեպ պատրաստված և կարելի էր վրան աշխատել, որոշ բաներ վերանայել, և մենք կողմ ենք, որ նախագիծը օր առաջ գա խորհրդարան ընդունենք։ Եվ քաղաքական ուժերը պետք է ժամանակ ունենան պատրաստվելու սպասվող պրոցեսներին։ Եվ շատ լավ կլինի, որ մենք այն շուտ քննարկենք»,-«Առաջին լրատվական»-ի հետ զրույցում ասաց ԱԺ «Լուսավոր Հայաստան» կուսակցության խմբակցության ղեկավար Էդմոն Մարուքյանը։
Առաջիկայում խորհրդարան կգան Կառավարության կառուցվածքի փոփոխությունների և Հարկային օրենսգրքի փաթեթները։ Էդմոն Մարուքյանը նշեց, որ իրենք հիմա սպասում են վերջնական տարբերակներին, որ առաջարկներով հանդես գան։
«Հույս ունեմ, որ առանց սպառնալիքների և ատելության խոսքի կավարտվի այս փուլը»,-հավելեց Մարուքյանը։