Ռուսաստանը, Թուրքիան և Իրանը կարող են Սիրիայի Իդլիբ նահանգում արմատական ջիհադիստական խմբավորումների դեմ ռազմական գործողություններ իրականացնել։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, հաղորդում է Hurriyet-ը։
«Համատեղ գործողություններ կարող են իրականացվել ցանկացած պահի՝ ըստ իրադարձությունների զարգացման։ Դրանց համար ոչ մի խոչընդոտ չկա։ Գործող միջոցներն ուղղված են Իդլիբ նահանգի բնակիչների հարմարավետությանը, երջանկությանն ու բարգավաճմանը»,-ասել է Էրդողանը Սոչիից վերադառնալուց հետո, որտեղ փետրվարի 14-ին մասնակցել է Ռուսաստան-Թուրքիա-Իրան եռկաողմ գագաթնաժողովին։
Նրա խոսքով՝ Իդլիբի իրավիճակը քննարկվող հարցերի շրջանում ամենագլխավորներից էր։ Նրանք համաձայնել են միջոցներ ձեռնարկել ընդդեմ «Հայաթ Թահրիր աշ-Շամ»-ի և այլ արմատական խմբավորումների։ Էրդողանը հավելել է, որ թուրք և ռուս զինծառայողները Իդլիբի լարվածության թուլացման գոտում իրադրության կայուցնաման մասին հուշագրի իրականացման շուրջ աշխատանքներ են տանում։
