Հունիսի 29-ին՝ ժամը 14:03-ին տեղեկատվություն է ստացվել, որ Լոռու մարզում՝ Վանաձոր-Ալավերդի ավտոճանապարհին` «Սատանայի կամուրջ» կոչվող հատվածում, ձորն է ընկել ավտոմեքենա և անհրաժեշտ է փրկարարների օգնությունը:
Դեպքի վայր են մեկնել մարզային փրկարարական վարչության փրկարարական ջոկատը և օպերատիվ խումբը:
Դեռևս չպարզված հանգամանքներում Վանաձոր-Ալավերդի ավտոճանապարհի 16-րդ կմ-ում Վանաձոր քաղաքի «Պրիզ» տաքսի ծառայությանը պատկանող «Սամանդ» մակնիշի 12 ՍՏ 412 պետհամարանիշի ավտոմեքենան դուրս է եկել ճանապարհի երթևեկելի մասից և ընկել ձորը:
Փրկարարները այրված ավտոմեքենայից դուրս են բերել վարորդի` Վանաձոր քաղաքի բնակիչ,1964 թ.-ին ծնված Սեյրան Հախոյանի այրված դին և հանձնել իրավապահ մարմիններին:
