Սոցիոլոգ, «Սոցիոմետր» սոցիոլոգիական կենտրոնի ղեկավար Ահարոն Ադիբեկյանը այսօր մեզ հետ զրույցում նշեց, որ իրենց սոցհարցումների համաձայն՝ ՀԱԿ-ի և «Ժառանգության» միջև կա երկկողմանի կապ: Այսինքն՝ նրանց ընտրազանգվածը դեմ չէ նրանց միավորվելուն:
«Ընդդիմության դաշտում դա ավելի հնարավոր ալյանսն է, քան թե ՀՅԴ-ՀԱԿ: «Ժառանգությունն» այսօր նույն հնարավորությունն ունի միավորվելու ՀՅԴ հետ, բայց ավելի թույլ կապ ունի ԲՀԿ հետ: Ընտրողները երկկողմանի ընտրություն ունեն ԲՀԿ-ի և ՀԱԿ-ի մեջ: Այսօր մանևրելու առումով «Ժառանգությունն» առավել մեծ հնարավորություն ունի՝ նրա կողմնակիցները դեմ չեն, որ «Ժառանգությունը» կոալիցիա կազմի ՀԱԿ-ի հետ, ՀՅԴ հետ, ՕԵԿ-ի և նույնիսկ ՀՀԿ հետ: Բոլորի հետ էլ կապերը տեսնում են, բայց ամենաուժեղը դա ՀԱԿ-ի հետ են տեսնում»,- ավելացրեց Ահարոն Ադիբեկյանը: