Նորությունն այն մասին, որ Իսպանիան կարող է վերադարձնել քաղաքացիությունը երկրից 500 տարի առաջ վտարված հրեաների սերունդներին, ոգևորել է շատ իսրայելցիների, ովքեր ակնկալում են եվրոպական անձնագիր ստանալ՝ գրում է իսրայելական Haaretz թերթը:
Մասնագետների խոսքով՝ Իսպանիայից վտարվածների հետ պատմական կապն ապացուցելը բարդ կլինի՝ պատմական և օբյեկտիվ պատճառներով:
Իսպանիան դեռևս չի հայտնել, թե ինչ պահանջներ կառաջադրվեն քաղաքացիություն ստանալ ցանկացողների դեմ, պայմանները չի հրապարակում նաև Իսպանիայի հրեական համայնքների ֆեդերացիան, որը, ինչպես սպասվում է, կլինի վկայականները տրամադրող լիազորված մարմին:
Մինչ տատիկների ու պապիկների ծննդյան վկայականների որոնմանն անցնելը, թերթը հիշեցնում է, որ օրինագիծը դեռևս չի ընդունվել իսպանական կառավարության կողմից:
