Ադրբեջանական ANS PRESS-ի փոխանցմամբ՝ Reuters գործակալությունը հայտնել է, որ այն բանից հետո, ինչ Հայաստանի ու Ադրբեջանի նախագահները չկարողացան Կազանում պայմանավորվածության հասնել շրջանակային համաձայնագրի կնքման շուրջ, հակամարտության գոտում «աճել» է պատերազմի վերսկսման հավանականությունը.
«Շրջանակային փաստաթղթի ընդունման դեպքում կարող են առաջանալ մի շարք խնդիրներ. նախ նախագահները ստիպված կլինեն որոշել, թե արդյո՞ք անհրաժեշտ է հրապարակել փաստաթուղթը, ինչը կարող է կոշտ արձագանք առաջացնել հայ և ադրբեջանական համայնքների մոտ։
Բացի այդ, շփման գծում գրանցվող միջադեպերը կարող են սպառնալիք հանդիսանալ համաձայնագրի իրագործմանը։
Դիվանագետներն ու վերլուծաբանները զգուշացնում են, որ կողմերի դիրքորոշումները կհեռանան միմյանցից, եթե շրջանակային համաձայնագրի փաստաթղթի ստորագրումը տեղի չունենա խելամիտ ժամկետում։ Փաստաթղթում պետք է համաձայնեցնել Ադրբեջանի ու Հայաստանի կողմից պաշտպանվող տարածքային ամբողջականության ու ինքնորոշման սկզբունքները»։
