The New York Times ամերիկյան պարբերականը Ռուսաստանի նկատմամբ ԱՄՆ նախագահ Դոնալդ Թրամփի գործողությունների 5 դրվագ է առանձնացրել, որոնց պատճառով 2018-ին նա տարաձայնություններ է ունեցել իր վարչակազմի հետ:
Պարբերականը պարզաբանում է, որ այդ գործողություններն այլ լույսի ներքո են դիտարկվում այն բանից հետո, երբ հայտնի է դարձել 2017թ.-ի ՀԴԲ-ի հետաքննության մանրամասները՝ Թրամփի որպես Ռուսաստանի գործակալ հանդես գալու մասին: Պարբերականը նշում է, որ վերջերս Թրամփը պարծեցել է Ռուսաստանի հանդեպ իր «ավելի կոշտ» վերաբերմունքով, ի տարբերություն նախորդների: Սակայն, ԱՄՆ նախագահի վարչակազմի գործողությունների ֆոնին, Թրամփն ավելի բարեհաճ դիրք է ընդունել Մոսկվայի հանդեպ, գրում է New York Times-ը:
Պարբերականն առանձնացնում է Սիրիայից ամերիկյան զորքերի դուրսբերումը, Կերչի նեղուցի միջադեպի ընթացքում ուկրաինական նավերի և նավաստիների կալանավորման վերաբերյալ «փափուկ պատասխանը» Ռուսաստանին, առանց ոգևորության պատժամիջոցների կիրառումը և Ռուսաստանի դեսպանների արտաքսումը «Սկրիպալների գործի» հետ կապված, ենթադրյալ ռուսական կիբերհարձակումների և 2016-ի նախագահական ընտրություններին «ռուսական միջամտության», ինչպես նաև Մոսկվային մեղադրանքներ առաջադրելուց խուսափելը 2016-ի և 2018-ի ընտրություններին միջամտելու հետ կապված, ՆԱՏՕ-ի դաշինքի «պաշտպանությունը»:
