Համաշխարհային տնտեսության աճը 2019 և 2020 թվականներին կկազմի համապատասխանաբար 3,5 տոկոս և 3,6 տոկոս, ինչը ցածր է կանխատեսվող ցուցանիշներից: Այդ մասին ասված է Արժույթի միջազգային հիմնադրամի զեկույցում, որը հրապարակվել է հունվարի 21-ին՝ գրում է tass.ru-ն:
«Համաշխարհային տնտեսության աճը, ըստ կանխատեսումների, 2019 թվականին կկազմի 3,5 տոկոս, իսկ 2020 թվականին՝ 3,6 տոկոս, դա 0,2 և 0,1 տոկոսային կետով ցածր է անցյալ տարվա հոկտեմբերին արված կանխատեսումից»,- նշվում է զեկույցում:
Ինչպես նշում են ԱՄՀ-ում, համաշխարհային տնտեսության աճի տեմպերի նվազումը բացատրվում է զարգացած երկրների տնտեսությունների աճի շարունակական դանդաղմամբ, ինչպես նաև զարգացող շուկաներում՝ ներառյալ Արգենտինան և Թուրքիան, աճի ժամանակավոր դանդաղմամբ:
Չինաստանի տնտեսության աճը նույնպես կդանդաղի ֆինանսական կարգավորման խստացման և ԱՄՆ-ի հետ առևտրական վեճերի պատճառով:
