Ռադիոն բրիտանացիներին ավելի շատ երջանկություն է պատճառում, քան հեռուստատեսությունն ու համացանցը: Այս մասին գրում է The Daily Telegraphy-ը` հղում կատարելով Radio Advertising Bureau ռադիոգովազդների բյուրոյի կողմից «ԶԼՄ-ներն ու ազգի տրամադրությունը» թեմայով անցկացված սոցհարցմանը:
Հարցմանը մասնակցել է ավելի քան հազար մարդ: Բյուրոն առաջարկել է նրանց որոշել, թե որ մեդիան է ավելի շատ բարձրացնում նրանց տրամադրությունն ու ուժ տալիս նրանց: Բոլոր ԶԼՄ-ներից ամենադրականն է համարվել ռադիոն: Հետազոտության արդյունքում պարզ է դարձել, որ ռադիոհաղորդումներ և երաժշտություն լսելը մարդկանց երկու անգամ ավելի երջանիկ են դարձնում և երեք անգամ`ավելի առույգ:
Երկու անգամ ավելի քիչ երջանկություն է բերում հեռուստատեսությունը և երեք անգամ ավելի քիչ` ինտերնետը: Թերթերն ու ամսագրերը հարցմանը չեն մասնակցել: Ուսումնասիրության շրջանակներում օգտագործվել է նաև էնցեֆալոգրաֆ կոչվող սարքը, որը չափում է մարդու ուղեղի ալիքային ակտիվությունը: Այս փորձին մասնակցել են երեքական կին և տղամարդ: էնցեֆալոգիրը ցույց է տվել, որ ռադիոն դրական է ազդում ուղեղի վրա:
Մեծ Բրիտանիայի ամենաշատ տարածում ունեցող ռադիոկայաններն են BBC-ն և IBA-ը: Հայտնի երաժշտական ռադիոալիքներն են` Radio Caroline, Absolute Radio, Planet Rock, Smooth Radio UK: Ընդհանուր առմամբ Միացյալ Թագավորությունում հեռարձակվում է 250 ռադիոկայան: