Փետրվարի 1-ին՝ ժամը 10:21-ին, տեղեկություն է ստացվել, որ Գորիս-Կապան ավտոճանապարհին տեղի է ունեցել ՃՏՊ. կա տուժած, անհրաժեշտ է փրկարարների օգնությունը: Դեպքի վայր է մեկնել Գորիս քաղաքի ՀՓՋ-ի օպերատիվ խումբը:
ԱԻՆ լրատվական ծառայությունից «Առաջին լրատվական»-ին հայտնում են, որ պարզվել է, որ Գորիս-Կապան ավտոճանապարհի 8-րդ կմ-ում «ՎԱԶ-21012» մակնիշի 23 PO 303 պետհամարանիշով ավտոմեքենան դուրս է եկել ճանապարհի երթևեկելի հատավածից և շրջվել ձորը` մոտ 20 մ:
Հրշեջ-փրկարարները ավտոմեքենայից տարբեր աստիճանի մարմնական վնասվածքներով դուրս են բերել վարորդ՝ 1980 թ. ծնված Ա. Վ.-ին, ուղևորներ՝ 1980 թ. ծնված Հ. Մ.-ին և 1980 թ. ծնված Ա. Խ.-ին (Թբիլիսի քաղաքի բնակիչ), ովքեր հոսպիտալացվել են Գորիս քաղաքի ԲԿ:
Բժիշկները տուժածների առողջական վիճակը գնահատել են բավարար:
