«Մամուլով և տարբեր աղբյուրներից ես ինքս լսել եմ, հնչեցնում են հովանավորչություն, քաղաքական որոշակի հարցեր։ Ճիշտն ասած՝ ինձ համար անհասկանալի է, թե ինչ հովանավորչության մասին է խոսքը, որովհետև, ըստ էության, հովանավորչությունը նաև կոռուպցիայի տեսակ է, իսկ իմ դեպքում մենք գործ ունենք վստահության հետ։ Ընդամենը մեկ ամիս առաջ կրթության և գիտության նախարարը, ծանոթանալով ինձ հետ, որոշում է կայացրել, որ ես մասնագիտական առումով համապատասխանում եմ տվյալ պաշտոնին և կարող եմ ստանձնել այդ պատասխանատվությունը, անկախ այն բանից՝ որոշումը ճի՞շտ է, թե՞ սխալ»,- «Առաջին լրատվական»-ի զրույցի ժամանակ ասաց Հայաստանի պետական տնտեսագիտական համալսարանի ռեկտորի պաշտոնակատար, տնտեսգիտության դոկտոր, պրոֆեսոր Ռուբեն Հայրապետյանը։
Ռուբեն Հայրապետյանը նաև հավելեց․ «Ես ինքս եղել եմ ապաքաղաքականացված անձ և ինձ երբևէ չեմ պատկերացրել որևէ կուսակցության մեջ։ Այդպես ես շարունակել եմ Երևան քաղաքի ավագանում։ Իմ նշանակումը բացառապես ոլորտային, մասնագիտական է, և ես այլ շարժառիթ պարզապես չեմ տեսնում, թե ինչու ինձ կարող էին նշանակել համապատասխան պաշտոնում»։
Ամբողջությամբ՝ տեսանյութում։