Իլինոյսի Չիկագոյի համալսարանի գիտնականները ամանորյա անսովոր ուսումնասիրություն են անցկացրել, ինչից եզրակացրել են, որ նվերներ տալը շատ ավելի հաճելի է, քան ստանալը: Փաստն այն է, որ նվիրելուց առաջացած ուրախությունն ավելի երկար է տևում, քան նվեր ստանալու դեպքում:
Ամերիկացի գիտնականների հայտարարությունը հաստատվել է փորձարարական ճանապարհով: Մեկ ամիս շարունակ հետազոտության հեղինակները ուսանողների խմբին 5-ական դոլար են նվիրել, ընդ որում նրանցից յուրաքանչյուրը գումարի մի մասով պետք է ընկերոջ համար նվեր պատրաստեր: Գիտնականները ուսումնասիրել են ուսանողների հույզերը և եկել եզրահանգման, որ երկրորդ դեպքում ուրախության և երջանկության զգացողությունը ավելի երկարատև է եղել, քան նվեր ստանալու դեպքում:
