Վրաստանում տեղի ունեցավ նորընտիր նախագահ Սալոմե Զուրաբիշվիլիի երդմնակալության արարողությունը. նա պաշտոնապես կստանձնի երկրի նախագահի պաշտոնը, գրում է tert.am-ը:
Արարողությունը տեղի ունեցավ 1-ին դարում հիմնված Թելավի քաղաքում, որը գտնվում է Թբիլիսիից 105 կմ հեռավորության վրա: Երդմնակալության արարողությունը «Բաթոնիս ցիխե» թագավորական համալիրում էր, որը վրաց Բագրատունիների տոհմին պատկանող Հերակլ Երկրորդ թագավորի նստավայրն էր:
Հիշեցնենք, որ նոյեմբերի 28-ին Վրաստանում կայացավ նախագահական ընտրությունների 2-րդ փուլը, որում ձայների 59,56 տոկոսով հաղթեց «Վրացական երազանք» կուսակցության աջակցությունը վայելող անկախ թեկնածու, Վրաստանի նախկին արտգործնախարար Սալոմե Զուրաբիշվիլին:
Հայաստանի Հանրապետության նախագահ Արմեն Սարգսյանը նույնպես մասնակցում է Զուրաբիշվիլիի երդմնակալության արարողությանը:
https://www.facebook.com/GeorgianGovernment/videos/314255659421817/