Ռուսաստանի վարչապետ Վլադիմիր Պուտինը, ողջույնի ուղերձ հղելով միջպետական ցուցահանդեսի մասնակիցներին, որն այս օրերին անցկացվում է Մոսկվայում Անկախ պետությունների համագործակցության կազմակերպության ստեղծման 20-ամյակի կապակցությամբ, ասել է, որ ԱՊՀ հոբելյանը նշանակալի իրադարձություն է: Այս մասին հաղորդում է RIA-Novosti գործակալությունը:
«Մենք միասին դժվար ճանապարհ ենք անցել ԱՊՀ կայացման և ամրապնդման գործում, միասին մշակել ենք համագործակցության և գործընկերության օպտիմալ ձևեր: Եվ հիմա վստահ կարելի է ասել, որ ԱՊՀ-ն կայացել է որպես աշխարհաքաղաքական իրողություն, որպես ինտեգրացիոն միավորում, որը կարևոր դեր է խաղում եվրասիական տարածքում կայունության և անվտանգության ապահովման համար, բազմակողմ գործնական, հումանիտար, մարդկային կապերի հաստատման գործում»,- ասել է ՌԴ վարչապետը:
Նա հավելել է, որ ճիշտ համագործակցելու դեպքում ԱՊՀ երկրները կարող են ապահովել նշանակալի արդյունքներ՝ ի բարօրություն իրենց ժողովուրդների: