Ուկրաինայի նախկին վարչապետ Նիկոլայ Ազարովը հայտարարել է, որ հրաժարականից հետո մտադիր է զբաղվել քաղաքականությամբ, մասնավորապես՝ Ռեգիոնների կուսակցության զարգացմամբ: Համապատասխան հայտարարությունը հրապարակվել է նրա ֆեյսբուքյան էջում՝ փոխանցում է RBK-ն:
«Ժամանակին ես եղել եմ Ռեգիոնների կուսակցության ստեղծողներից մեկը: Դա մեծ և պատասխանատու կուսակցություն է: Նրանում ազնիվ և հիանալի մարդկանց թիվը վիթխարի է: Վարչապետի պաշտոնում գտնվելու ժամանակ ես չունեի կուսակցության նախագահի պարտականությունները լիովին կատարելու հնարավորություն: Հուսոմ եմ, որ իմ գիտելիքներն ու փորձը կօգնեն Ուկրաինայի այդ կարևոր քաղաքական ուժի զարգացմանը»,- նշել է նա:
Ազարովն ընդգծել է, որ կուսակցությանը համարում է «կայունացնող ուժ՝ նպատակաուղղված երկրի արդիականացմանը»: Նա խոստացել է ողջ ուժով նվիրվել կուսակցությանը:
