Մոսկվայում ձերբակալել են ռուսական գողական համայնքի «նայող», 43-ամյա օրենքով գող Կախաբեր Փարփալիային, որը քրեական շրջանակներում հայտնի է Կախա Գալսկի մականունով, հաղորդում է «Պրայմ Կրայմ» լրատվական գործակալությունը:
Գործակալության տվյալներով, քրեական հեղինակությանը բերման են ենթարկել Մոսկվայի քրեական հետախուզության աշխատակիցները՝ Ռուսաստանի անվտանգության դաշնային ծառայության աջակցությամբ:
«Ձերբակալության ընթացքում օրենքով գողը դիմադրություն է ցույց տվել ոստիկանությանը: Փարփալիայի մոտ հայտնաբերվել է կոկաինի մեծ չափաքանակ: Կալանավորվածի տեսքը, խոսքը և վարքը կասկածի տեղիք չեն տվել նրա արյան մեջ արգելված թմրանյութի առկայության վերաբերյալ»,- ասվում է հաղորդագրության մեջ:
Գործակալության տվյալներով, Փարփալիայի ձերբակալությունից անմիջապես հետո, իրավապահները սկսել են օրենքով գողին ազատելու առաջարկներ, իսկ հրաժարվելու դեպքում նույնիսկ սպառնալիքներ ստանալ:
Ինչպես հաղորդում է «Պրայմ Կրայմ»-ը, 1999թ.-ին գողական կոչում ստացած Կախաբեր Փարփալիան այսօր ամենաազդեցիկ ռուս օրենքով գողերից է: Մինչև այսօր նա երբեք չի դատապարտվել, թեև մի քանի անգամ ձերբակալվել է: Սա Պարփալիայի անվտանգության ուժերի հետ ունեցած հարաբերությունների մասին ենթադրություններ անելու առիթ է հանդիսացել:
