Արարատի մարզի 13/5 ընտրական տեղամասում ժամը 10։30-ի դրությամբ անվերահսկելի իրավիճակ էր։ Տեղամասում սահմանված թվից շատ ընտրողներ կային, քվեախցիկում՝ մեկից ավելի անձինք։ Հանձնաժողովի նախագահի և մյուս անդամների ներկայությամբ քաղաքացիները մտնում էին քվեախցիկ իբրև թե օգնելու ընտրողին։ Մեր դիտարկմանը, որ օգնողները չեն գրանցվել, հանձնաժողովի նախագահն ասաց, որ գիտակցում է՝ դա օրենքի խախտում է, բայց երբեմն կարելի է խախտել օրենքը՝ ընտրատեղամասում առաջացած խառնաշփոթ իրավիճակը շտկելու համար։ Մեր դիտարկմանը, որ խառնաշփոթ առաջացել է, քանի որ սահմանված 15 հոգուց ավելի մարդ կա տեղամասում, հանձնաժողովի նախագահը հերքեց։ Ընտրողներից մեկը նույնիսկ բաց քվեարկություն իրականացրեց։ Տեսնելով, որ քվեախցիկները զբաղված են, պատուհանագոգին քվեարկեց և քվեաթերթիկը բոլորի ներկայությամբ դրեց ծրարում։ Հանձնաժողովի նախագահը դա ևս նորմալ որակեց՝ համարելով, որ դա անհրաժեշտ է, որպեսզի տեղամասում կուտակումներ չառաջանան։
«Ոչինչ, գիտեմ, որ օրենքը թույլ չի տալիս, բայց երբեմն կարելի է օրենքը խախտել, որպեսզի այս խառնաշփոթ իրավիճակը վերացնենք»,-ասաց հանձնաժողովի նախագահը։
