Եվրոպայի խորհրդի նախարարների կոմիտեում Ադրբեջանի առաջիկա նախագահությունը 2014 թ. մայիս-նոյեմբեր ամիսներին լավ հնարավորություն է բացում Լեռնային Ղարաբաղի հակամարտության լուծման համար: Ինչպես հաղորդում է Turan գործակալությունը, այս մասին ԵԽԽՎ ձմեռային նստաշրջանի մեկնարկից առաջ հայտարարել է վեհաժողովի նախկին նախագահ Ժան Կլոդ Մինյոնը:
Միևնույն ժամանակ Մինյոնն անհանգստություն է արտահայտել հայ-ադրբեջանական զորքերի շփման գծում լարվածության ուժեղացման կապակցությամբ: Ընդ որում՝ նա իր աջակցությունն է հայտնել ԵԱՀԿ Մինսկի խմբի ջանքերին:
Մինյոնը Հայաստանին և Ադրբեջանին կոչ է արել հետևել Գերմանիայի և Ֆրանսիայի օրինակին, որոնք 50 տարի առաջ ստորագրել են Ելիսեյան պայմանագիրը, ինչը վերջ է դրել թշնամանքին և կողմերին վերածել է դաշնակիցների:
Միևնույն ժամանակ Մինյոնն ընդգծել է, որ եթե ընտրվի Եվրոպայի խորհրդի գլխավոր քարտուղար, ապա նրա առաջնային խնդիրներից մեկը կդառնա ԼՂ հակամարտության կարգավորումը: