Նախընտրական քարոզարշավի ընթացքում աննախադեպ հավասարություն կա քաղաքական ուժերի միջեւ։ Այսօր՝ դեկտեմբերի 5–ին, լրագրողների հետ հանդիպմանը նման կարծիք հայտնեց կրթության եւ գիտության նախարարի պաշտոնակատար, «Իմ քայլը» դաշինքի համամասնական ցուցակում ընդգրկված Արայիկ Հարությունյանը։
«Ես չեմ հիշում նման իրավիճակ, երբ հեռուստատեսությունը հավասարապես հասանելի է բոլորի համար։ Ինձ համար շատ կարեւոր է բանավեճի կուլտուրան, որ ներդրվել է այս քարոզարշավի ժամանակ. բանավիճում են իշխանության եւ ընդդիմության ներկայացուցիչները, նույնիսկ նախկին իշխանության, որի հեռուստաեթեր ներկայացվածության համար հանրությունը մեզ շատ է մեղադրում, հանդիպումների ժամանակ միակ բանն է, որի համար մեզ մեղադրում են մարդիկ»,– ասաց Արայիկ Հարությունյանը։
