Տեխնոլոգիական նորույթները կարող են հանդես գալ ոչ միայն որպես հաղորդակցության և ժամանցի սարքեր, այլ նաև կարող են օգնել ավելի լուրջ խնդիրների դեպքում, այդ թվում` ինչպես տաքանալ ձմռանը: Hitech.vesti.ru-ն ներկայացրել է սարքեր, որոնք կօգնեն տաքանալ ձմռանը:
Դրանցից է 32 դոլար արժողությամբ USB Toast Handwarmers-ը, որը տաքացնում է ձեռքերը, երբ այն միացվում Windows-ով համակարգչին, Linux-ին, «մաքբուքին»: Տաքության մակարդակը կարելի է կարգավորել ցածրից մինչև ամենաբարձր:
NuTouch Gloves ձեռնոցները, որոնք արժեն 9 դոլար, ոչ միայն տաքացնում են ձեռքերը, այլ նաև թույլ տալիս կարդալ SMS-հաղորդագրություն և զանգահարել iPhone-ից կամ օգտվել սենսորային էկրան ունեցող ցանկացած սարքից:
25 դոլար արժողությամբ Hot Rod Heated Travel Mug տաքացվող գավաթը երկար ժամանակ պահում է ջերմությունը, իսկ տաքացնելու գործառույթը չի թողնում, որ թեյը կամ սուրճը սառչի:
Ջերմաստիճանը հնարավոր է սահմանել ներկառուցված ինդիկատորի միջոցով: Ծավալը 350 միլիլիտր է:
Ձմռանը ցրտից ձեռքերը կպաշտպանի 25 դոլար արժողությամբ ValueRays Warm Mouse-ը, իսկ 90-145 դոլար արժողությամբ hermaCell Rechargeable Heated Insole-ը ցրտից կպաշտպանի ոտքերը:
Ներկառուցված ականջակալներով գլխարկը (eadphone Hats, որն արժե 25 ֆունտ) իսկական նվեր է: Աքսեսուարը կարելի է օգտագործել ցուրտ եղանակին զբոսնելիս, վազելիս:
Toasty Toes Warmawear տաքացովղ զուգագուլպաները (55 դոլար) տաք կպահեն ներբանի և հատկապես մատների շրջանը:
35 դոլարանոց Marshmallow Out USB Foot Warmers հողաթափերը նախատեսված են ոչ թե զբոսանքի, այլ համակարգչի առջև նստած օգտատիրոջ ոտքերը տաքացնելու համար:
Ձմռանը օդը ոչ միայն սառն է լինում, այլ նաև չոր: Այս խնդիրը կլուծի Casamista սարքը (25 դոլար), որը սկզբում ֆիլտրացնում է, այնուհետև լցված ջուրը վերածում է գոլորշու: Ըստ ցանկության կարելի է դրա մեջ լցնել նաև եթերային յուղեր:
56 դոլար արժողությամբ DryGuy Thermanator սարքը լավագույն համակարգն է ձմեռային կոշիկները, գլխարկները, ձեռնոցները չորացնելու համար: Այն չի աղմկում և հրդեհի վտանգ չի առաջացնում:
