Ջուլիա Ռոբերթսը արդեն չորրորդ անգամ է առաջադրվում է «Օսկարի», այս անգամ՝ «Օգոստոս» ֆիլմի համար, գրում է spletnik.ru-ն: Դերասանուհին խոստովանում է, որ անընդհատ աշխատում է թե՛ նկարահանման հրապարակում, թե՛ տանը, քանի որ երեք երեխա ունենալը հեշտ չէ:
46-ամյա Ռոբերթսը 11 տարի է՝ ամուսնացած է օպերատոր Դեննի Մոդերնի հետ: Զույգը երեք երեխա ունի՝ 9-ամյա երկվորյակները և 6-ամյա Հենրին:
Վերջին ժամանակերս Ջուլիան շատ է նկարահանվում:
«Օգոստոս» ֆիլմի մասին նա պատմում է. «Ֆիլմը հիմնված է մի պիեսի վրա, որը ես տեսել եմ: Սա մի պատմություն է այն մասին, թե ինչպես է քայքայված ընտանիքը հուղարկավորությունից հետո հավաքվում: Դա նման է պայթյունի սպասմանը: Մայրը անընդհատ վեճ է հրահրում, նա և դուստրը սադրում են միմյանց»: Ֆիլմում վեճերի մեծ մասը ճաշը սեղանի շուրջ է լինում:
«Սա հիանալի ֆիլմ է այն մասին, որ պետք է վերջապես գնահատել այն, ինչ տանը ունես: Ես սիրում եմ ուտել, պատրաստել և մյուսներին հյուրասիրել: Ես սիրում եմ ընտանիքին հավաքել ճաշի սեղանի շուրջ: Դա անկեղծության վայրն է»,- ասել է դերասանուհին:
Ջուլիան խոստովանել է, որ դստեր՝ Հեզելի հետ մտերմացել է այն բանից հետո, երբ տեսել է, թե ինչքան լավ են նրա և տատիկի հարաբերությունները:
«Ֆիլմի նկարահանումների ժամանակ մենք փոքր բնակարաններում էինք տեղավորվել, իսկ երեկոները հավաքվում էինք միասին և պատրաստվում հաջորդ օրվա նկարահանումներին: Ազատ ժամանակ ես գործում եմ: Ես սիրում եմ, որ այդ ընթացքում կարող ենք շփվել միմյանց հետ. այդպես ժամանակն ավելի արագ է անցնում»:
«Տանը կյանքը ինձ մեծ ուրախություն է պարգևում: Իմ կյանքը փոխվել է: Ես ավելի քիչ եմ աշխատում, սակայն իրականում ես աշխատանքին այդքան էլ շատ ժամանակ երբեք չեմ տրամադրել: Այնպես չի եղել, որ ես տարիներով աշխատեմ մեկ այս, մեկ այլ ֆիլմի վրա: Երբ դու երեք երեխա ունես, ցանկացած դեպքում ամբողջ օրն աշխատում ես»:
Շոու բիզնեսում երկար մնալու մասին Ռոբերթսն ասում է, որ դա իրեն հաջողվում է այն պատճառով, որ թույլ չի տալիս ճնշել իր վրա:
