Грузия Online-ի փոխանցմամբ՝ CNN հեռուստաընկերությունը սկսում է Վրաստանի մասին ռեպորտաժների ցուցադրություն։ Ողջ շաբաթվա ընթացքում ամերիկյան հեռուստաալիքն ամերիկացի հանդիսատեսին կծանոթացնի Վրաստանում իրականացված տնտեսական, սոցիալական և ժողովրդավարական բարեփոխումներին։
Դրա հետ մեկտեղ հեռուստաալիքը պատմելու է Վրաստանի կրթական համակարգում և իրավապահ մարմիններում իրականացված բարեփոխումների մասին։
Այդ հաղորդումների ցիկլի պատրաստման համար CNN-ի նկարահանող խումբը շուրջ մեկ ամիս գտնվել է Վրաստանում։
Հիշեցնենք, որ Կովկասի հարցերով փորձագետ Թոմաս դե Վաալը Վրաստանի բարեփոխումների կապակցությամբ հայտարարել էր. «Վրաստանը սիրում է իրեն ցուցադրել որպես մի երկիր, որն ունի մեծ և հաջող տնտեսություն, մինչդեռ իրականում նա դեռ չի կողմնորոշվել, թե իրապես զարգանալու որ ուղին պետք է ընտրի։
Հնարավոր է՝ դուք տեսել եք Financial Times-ի, Economist-ի և CNN-ի գովազդային տեսագրությունները, որոնցում ասվում է, որ Վրաստանն աշխարհի թիվ 1 բարեփոխիչն է, սակայն նրանք, ովքեր եղել են Վրաստանում և ականատես դարձել իրողությանը, գիտեն, որ դա հիմնականում խելացի PR կապմանիա է։ Իրականում Վրաստանը տնտեսական մեծ խնդիրներ ունի»։