ԱՄՆ նախագահ Դոնալդ Թրամփը Բուենոս Այրեսում Չինաստանի առաջնորդ Սի Ցզինպինի հետ հանդիպումից հետո որոշեց ՉԺՀ-ին լրացուցիչ տարիֆ չներկայացնել։
Արգենտինայում անցկացվող G20 գագաթնաժողովի ընթացքում տեղի ունեցած երկժամյա հանդիպումից հետո, Թրամփը և Սի Ցզինպինը համաձայնել են առնվազն 90 օրվա համար նոր տարիֆներ չհրապարակել, հաղորդում է Reuters-ը`հղում անելով Սպիտակ տան մամուլի ծառայությանը:
Սկզբում ենթադրվում էր, որ հունվարի 1-ից Միացյալ Նահանգները Չինաստանի ապրանքների համար տարիֆը կբարձրացնի մոտ 25% -ով, որը կազմում է մոտ 200 մլրդ դոլար:
2018 թ. Վաշինգտոնը մի քանի անգամ հրապարակեց մաքսատուրքեր Չինաստանի համար: Պեկինը համարժեք քայլերով արձագանքեց դրան: Այսպիսով, սեպտեմբերի 24-ին ուժի մեջ մտավ ԱՄՆ նոր մաքսատուրք. Չինաստանից ներկրվող ապրանքների համար տարիֆը ներկայացվել է 10 տոկոս՝ 200 միլիարդ դոլար ըդհանուր արժեքով: Չինաստանը պատասխանել է ԱՄՆ-ից ներկրվող ապրանքների համար 5-10 տոկոս մաքսատուրքով՝ 60 միլիարդ դոլար ընդհանուր արժեքով:
