«Այնքան նյարդայնանալու, այնքան ջղայնանալու բան կա, անարդարություն կա Գյումրիի հետ կապված, որ նայում եմ մեր ելույթներին, զգում եմ՝ շատ ենք տխուր խոսում։ Այժմ ժամանակն է խոսել լուծումներից, որովհետև արդեն 30 տարի է՝ տխուր ենք։ Ես այսօր այստեղ եմ մեր քաղաքական թիմի հետ միասին, և մտածում էի՝ ինչ եմ արել վերջին տարիներին, որ ինձ այդքան ինքնավստահություն է տալիս Գյումրի գալուց»,- Գյումրիում «Լուսավոր Հայաստան» կուսակցության քարոզարշավի ժամանակ ասաց ԱԺ պատգամավորության թեկնածու Էդմոն Մարուքյանը։
Էդմոն Մարուքյանը նաև հավելեց․ «Նայում ենք, թե ինչ ուռճացված ծախսեր են եղել մեր երկրում, ու այդ թալանի պատճառով այսօր Գյումրիում ունենք տնակային ավան։ Ընդամեն 30 միլիոն դոլար է հարկավոր, որպեսզի այդ խնդիրը լուծվի»։
Ամբողջությամբ՝ տեսանյութում։
