Վիկտոր Յանուկովիչը համաձայնել է փոխել հունվարի 16-ի օրենքները և ազատ արձակել բանտարկյալներին: Այս մասին հաղորդում է ՈւՆԻԱՆ-ը՝ հղում անելով Ուկրաինայի նախագահի վարչակազմի առաջին տեղակալ Անդրեյ Պորտնովին:
Հունվարի 25-ին Կիևում կայացել է նախագահի հանդիպումը ընդդիմության առաջնորդների հետ:
«Ընդդիմությունն առաջարկել է համաձայնեցնել քաղաքական որոշումը՝ 2004-ի Ուկրաինայի Սահմանադրության վերադարձի մասին: Կողմերը քննարկել են այդ որոշման հետ կապված տեխնիկական հարցեր»,- ասել է Պորտնովը:
Նրա խոսքերով՝ կողմերը որոշել են, որ այդ որոշման իրականացման մեխանիզմները մշակելու համար կարող է խումբ ստեղծվել՝ խորհրդարանի կամ հանրաքվեի միջոցով:
