Ղազախստանի նախագահ Նուրսուլթան Նազարբաևը երկրի կենսամակարդակից դժգոհ քաղաքացիներին կոչ է արել շրջել այն վայրերով, որտեղ «շատ ավելի վատ է», հաղորդում է INTERFAX-ը:
«Մենք կյանքում շատ ենք բողոքում՝ սա է պակաս, այն է պակաս: Եթե կյանքը շատ է ծանրացել ուսերիդ, գնա՛, շրջի՛ր հիվանդանոցներով, ծայրահեղ դեպքում գերեզմանատուն գնա: Այնտեղ պառկածների համար շատ ավելի վատ է, քան քեզ համար»,-խորհուրդ է տվել նա:
Ղազախստանի առաջնորդի խոսքով՝ երկրի բնակիչները բողոքում են խնդիրներից՝ չնայած որ առողջ են:
«Ձեռքեր ու ոտքեր ունենք, մեր գլխի մազերն ենք պոկում. օ՜յ, որքան վատ է»,-հայտարարել է Նազարբաևը:
Նա նշել է, որ բոլոր խնդիրները կարելի է հաղթահարել շատ աշխատելու դեպքում: