«Նախընտրական քարոզարշավի առաջին երեք օրերի պատկերը առայժմ քաոսային է»,- «Առաջին լրատվական»-ի հետ զրույցում ասաց իրավապաշտպան Ժաննա Ալեքսանյանը։
Իրավապաշտպանը անդրադառնալով ՀՀԿ-ի հնչեցրած մտահոգություններին՝ իշխանության կողմից վարչական ռեսուրսի կիրառման փորձերի, սպառնալիքների մասով նկատեց, որ ՀՀԿ-ն լավ կլիներ, որ իջեցներ գլուխը, հանրապետականները խոնարհվեին, ներողություն խնդրեին, մեղքերի թողություն խնդրեին, այլ ոչ թե ամպագոռգոռ հայտարարություններ աներ ու մոռանար, որ այս երկրի անկման իրական պատճառն իրենք են։
Անդրադառնալով վարչապետի պաշտոնակատարի կոշտ հռետորաբանությանը, տիկին Ալեքսանյանն ասաց, որ դա հատուկ է նախընտրական ժամանակահատվածին։ Բացի դրանից՝ հակառակ կողմից այնպիսի հայտարարություններ են հնչում, որ հնարավոր չէ դրանց ավելի մեղմ տոնով պատասխանել։ «Օրինակ՝ ՀՀԿ ցուցակում գտնվող Դավիթ Շահնազարյանի հայտարարություններին հնարավոր չէ հանգիստ պատասխանել։ Ամեն դեպքում կարծում եմ, որ դեռ կոռեկտության սահմանները չեն անցել և հուսով եմ կմնան հենց կոնկրետության սահմաններում»,- ասաց մեր զրուցակիցը։
Իրավապաշտպանը ցավով արձանագրում է, որ այս ընտրություններին էլ չկա, իսպառ բացակայում է ծրագրային պայքարը, և քաղաքական ուժերը առայժմ սահմանափակվում են միայն իրար պիտակավորելով ու իրար պատասխանելով։
Առավել մանրամասն՝ տեսանյութում։
