Գերմանական Շլյոզվիգ Հոլշթայն մարզի Էլմսհորն քաղաքի 41-ամյա բնակիչն այրել է իր շենքի առաջին հարկում գտնվող թուրքական մշակութային կենտրոնի ռեստորանը: Ոստիկանությունը քննարկում է նաև քաղաքական դրդապատճառների վարկածը: Այս մասին գրում է Die Welt-ը:
Իրավապահների կարծիքով՝ գերմանացուն այս քայլին դրդել է, որը շակութային կենտրոնի ռեստորանում պարբերաբար բարձրացվող աղմուկը: Օբյեկտը հայտնի է եղել քաղաքի բնակչության շրջանում: Գերմանացին նախկինում բազմիցս բողոքներ է ներկայացրել համապատասխան մարմիններ, սակայն լուրջ միջոցներ չեն ձեռնարկվել: Ի վերջո, նա բենզինը ձեռքին ներխուժել է ռեստորան և այրել այն: Ռեստորանում գտնվող 16 հաճախորդները ծխից թեթև թունավորում են ստացել:
Հրդեհը հաջողվել է մարել մի քանի ժամ անց 120 հրշեջների օգնությամբ: Գերմանացին ձերբակալված է: