ԱՄՆ-ն հիասթափված է, որ Ադրբեջանի ու Հայաստանի նախագահներ Իլհամ Ալիևն ու Սերժ Սարգսյանը չկարողացան պայմանավորվել Լեռնային Ղարաբաղի հարցով: Այդ մասին ռուսական Вести-ի հաղորդմամբ հայտարարել է հայտարարել է ԱՄՆ պետդեպարտամենտի պաշտոնական ներկայացուցիչ Վիկտորիա Նուլանդը:
«Դուք գիտեք, որ Հայաստանի ու Ադրբեջանի նախագահները չկարողացան պայմանավորվել կարգավորման հիմնարար սկզբունքների շուրջ, երբ հանդիպեցին Կազանում: Սակայն ՌԴ նախագահ Դմիտրի Մեդվեդևի հետ համատեղ հայտարարությունում նրանք խոստովանել են, որ բարելավել են փոխըմբռնումը մի շարք հարցերի վերաբերյալ, համաձայնել են շարունակել հիմնարար սկզբունքների շուրջ աշխատանքը և ապագայում նորից հանդիպել»,-ընդգծել է ամերկացի դիվանագետը:
«Սակայն ես կասեի, որ դա հիասթափեցնող է»,-ավելացրել է նա:
