Հնդիկ Քայլաշ Սինգհը չի լողացել 1974 թվից՝ հույս ունենալով, որ դա իրեն թույլ կտա տղա ունենալ: Քայլաշի ամուսնությունից անմիջապես հետո քուրմը նրան այսպիսի խորհուրդ էր տվել: Սակայն խորհուրդը չօգնեց: Սինգհը 7 աղջիկ ունեցավ, որոնցից ամենակրտսերը 16 տարեկան է: Այս մասին գրում է The Daily Mail-ը:
Այսօրինակ անսովոր երդում տված հնդիկն ապրում է հնդիկների համար սրբազան Վարանասի քաղաքից ոչ հեռու, ուր սովորական է 47 աստիճան ջերմաստիճանը: Սինգհն ամեն օր կով է պահում, իսկ միակ «հիգիենիկ» արարողությունը (բացի ձեռքերը լվանալուց և բերանն ողողելուց), որն անում է, մարիխուանա ծխելն է, Շիվա աստծուն աղոթելը և կրակի մոտ պարելը:
Պատահական չէ, որ նրա կողքին ապրելն այնքան էլ հեշտ չէ: Բարեկամները ցանկացել են գցել նրան առվի մեջ, ինչից նրան հաջողվել է փախչել: Քայլաշի 60-ամյա կինն ասում է, որ նա ավելի շուտ կմեռնի, քան կխախտի երդումը: Նա նաև նշել է, որ Քայլաշի նման վիճակն արդեն սովորական է դարձել իրենց համար:
