Google News-ի փոխնախագահ Ռիչարդ Գինգրասը չի բացառել, որ ծառայությունը փակ կլինի ԵՄ տարածքում, եթե Բրյուսելը «հիպերհղումների հարկ» սահմանի՝ հաղորդում է Guardian-ը:
Ընդ որում Գինգրասը նշել է, որ ծառայության դադարեցումն անցանկալի է:
«Google News-ում գովազդ չկա: Այն Google-ին շահույթ բերող արտադրանք չէ: Մենք կարծում ենք, որ դա հասարակության համար արժեքավոր ծառայություն է»,— ասել է նա:
ԵՄ-ից դուրս գալու մասին վերջնական որոշումը ընկերությունը կընդունի օրենքի վերջնական տեքստի հետ ծանոթանալուց հետո:
Ավելի վաղ Եվրախորհրդարանի օրենսդրության կոմիտեն հավանություն էր տվել մի օրինագծի, որով համացանցի ծառայությունները գեղարվեստական և լրատվական կոնտենտի համար պետք է հեղինակներին արտոնագրի վճար կատարեն:
