Հոկայդոյի համալսարանի մի խումբ հնագետներ հադրոզավրի (բադակտուց դինազավր) կմախք են հայտնաբերել: Այս մասին հայտնում է ITAR-TASS-ը:
Գիտնականներն այն հայտնաբերել են Հոկայդոյի հարավային Մուկավա քաղաքի շրջանում: Դինոզավրի առաջին մնացորդներն այստեղ հայտնաբերվել են դեռևս 2003-ին: Անցած տարվա պեղումների արդյունքում հայտնաբերվել են այլ հատվածներ՝ կոնքի ու պոչի ոսկրեր, ինչպես նաև մի քանի ատամ: Հաջորդական պեղումների ընթացքում հնագետները հայտաբերել են ավելի քան 100 հատված և շարունակում են գտնել նորերը:
«Հավանականությունը, որ այստեղ ամբողջական կմախք կա, շատ մեծ է»,- ասել է պրոֆեսոր Յոսիցուգու Կոբայասին, որը գլխավորում է հետազոտական խումբը:
Ներկայումս գիտնականներին հաջողվել է հավաքել նախապատմական կենդանու կմախքի 30 տոկոսը: Նրա երկարությունը 8 մետր է: Կենդանու քաշը գերազանցել է 7 տոննան: Սա մինչ օրս հայտնաբերված բոլոր հադրոզավրերից ամենախոշորն է:
