«Մանչեսթեր Յունայթեդ»-ը չի պատրաստվում ձեռք բերել ՊՍԺ-ի հարձակվող Էդիսոն Կավանիի իրավունքներն ընթացիկ տրանսֆերային պատուհանի ժամանակ:
Նախօրեին Daily Mail-ը հայտնել է, որ «Մանչեսթեր Յունայթեդ»-ի նախկին գլխավոր մարզիչ Ալեքս Ֆերգյուսոնն անձամբ զանգահարել է Լորան Բլանին, ով ներկայումս գլխավորում է փարիզյան ակումբը` Կավանիի ծառայություններից հրաժարվելու խնդրանքով: Սակայն այնուհետև «կարմիր սատանաներ»-ը հերքել են 26-ամյա ուրուգվայցի ֆուտբոլիստի ծառայություններով հետաքրքրված լինելու փաստը:
Manchester Evening News-ի տեղեկությունների համաձայն` ընթացիկ մրցաշրջանի ավարտից հետո «Յունայթեդ»-ն, այնուամենայնիվ, կմիանա Էդիսոնի իրավունքների ձեռքբերման պայքարին:
Հավելենք, որ Կավանին ՊՍԺ է տեղափոխվել նախորդ ամռանը: Փարիզյան ակումբը 53 մլն ֆունտ է վճարել նրա տրանսֆերի դիմաց: ՊՍԺ-ի կազմում հարձակվողը մասնակցել է 27 հանդիպումների և 19 գոլ հեղինակել:
