Հարավային Կորեայի արևմտյան ափում տեղի ունեցած «Մեարի» թայֆունի հետևանքով մահացել է առնվազն 9 մարդ: Այս մասին հաղորդում է Reuters գործակալությունը: Եվս երեք հոգի համարվում են անհայտ կորած: Երկրում հետաձգվել են տասնյակ չվերթներ:
Տեղի իշխանությունները խորհուրդ են տվել նավահանգիստներում գտնվող նավերին ծով դուրս չգալ, քանի որ սպասվում են տարերքի նոր հարվածներ: Նախօրեին թայֆունն անցել էր Ֆիլիպինների ափերով, որտեղ անհետ կորած է համարվում 18 մարդ, իսկ 75 հազարը մնացել են անօթևան: Կանխատեսվում է, որ այսօր տարերքը կմոլեգնի Հյուսիսային Կորեայում:
