Բոլոնիայում մահացել է իտալացի աշխարհահռչակ դիրիժոր Կլաուդիո Աբադոն, հայտնում է ITAR-TASS-ը:
Անցած տարի հայտնի երաժիշտը, որը դիրիժորություն է արել աշխարհի խոշոր նվագախմբերի հետ, տոնել էր իր 80-ամյա հոբելյանը:
Աբադոյի մահը մեծ կորուստ է ամբողջ աշխարհի մշակույթի համար: Նա եղել է Միլանի հայտնի «Լա Սկալա» թատրոնի գեղարվեստական ղեկավարը (1971-1986), ինչպես նաև ղեկավարել Վիեննայի օպերան (1986-1991):
Աբադոն նաև գլխավորել է Լոնդոնի սիմֆոնիկ նվագախումբն ու Բեռլինի ֆիլհարմոնիկը: Նա համարվում էր 20-րդ դարի ամենաակնառու դիրիժորներից մեկը:
