«Եթե խոսքը Կոնջորյան Հայկի և Դավիթ Սանասարյանի մասին է, ապա մենք միասին ճանապարհ ենք անցել: Սա ընդամենը կոորդինատների ֆիքսում է քաղաքական դաշտում»,- «Առաջին լրատվական»-ի հետ զրույցում ասաց «Ելք» խմբակցության պատգամավոր Ալեն Սիմոնյանը՝ անդրադառնալով դեպի «Քաղաքացիական պայմանագիր» այլ կուսակցություններից հոսքին:
Մեր զրուցակցի խոսքով՝ և՛ Հայկ Կոնջորյանը, և՛ Դավիթ Սանասարյանը լավ քաղաքական գործիչներ են, և սխալ է մոտեցումը, թե նրանք այդ քայլով ցանկանում էին հայտնվել ՔՊ-ի ընտրացուցակում. «Հայկ Կոնջորյանի պարագայում այդ անդամակցությունը հա՛մ ընդունելի էր, հա՛մ ցանկալի էր, հա՛մ սպասված էր»:
Ինչպես նշեց Ալեն Սիմոնյանը՝ կադրային խնդիր կա և կլինի. «Որովհետև տասնամյակներ շարունակ նախկին իշխանությունը լավ կադրերին կա՛մ ոչնչացրել է, կա՛մ արտաքսել է Հայաստանի Հանրապետությունից, կա՛մ ինչ-որ ձևով իրեն հաճախորդ է սարքել»:
Ինչ վերաբերում է ՔՊ-ի ընտրացուցակին, մեր զրուցակիցը հավաստիացրեց, որ իրենք չեն կրկնելու այն սխալը, որ ժամանակին իրենք քննադատել են, և որը արել է նախկին իշխանությունը:
Մանրամասները՝ տեսանյութում: