2019թ․ կհայտնվի սմարթֆոնի օգնությամբ Tesla էլեկտրական մեքենաների կառավարման տեխնոլոգիա։ Այս մասին Twitter-ի իր էջում գրել է ամերիկան Tesla կազմակերպության հիմնադիր Իլոն Մասկը՝ գրում է focus.ua-ը։
Նրա խոսքով՝ վերջին 2 տարում արտադրված բոլոր մեքենաների հետ համատեղելի է «Advanced Summon» գործառույթը, որը թույլ կտա ղեկավարել ավտոմեքենաները, եթե դրանք տեսադաշտում են գտնվում:
Մասկը նշել է, որ մեքենան կհետևի վարորդին «տնային կենդանու նման», եթե նա սեղմած պահի Tesla հավելվածում գտնվող զանգի կոճակը:
Մասկը խոստացել է, որ մեքենաների կայանման գործառույթի նոր առանձնահատկությունները 6 շաբաթվա ընթացքում կհայտնվեն բոլոր Tesla ավտոմեքենաներում:
