ԱՄՆ Թենեսի նահանգի մայրաքաղաք Նաշվիլում էլեկտրական աթոռի միջոցով մահապատժի է ենթարկվել 63-ամյա Էդմունդ Զագորսկին, հաղորդում է WSMV հեռուստաալիքը:
Նշվում է, որ մահապատժի այդպիսի տեսակն ընտրել է Զագորսկին ինքը՝ համարելով, որ այն պակաս ցավոտ է, քան մահացու ներարկումը: Նրան մահապատժի են դատապարտել 1984-ին՝ երկու մարդու սպանության համար, որոնք փորձել են նրանից թմրանյութ գնել:
ԱՄՆ-ում մահապատժի այդ տեսակը կիրառվել է հինգ տարվա ընթացքում առաջին անգամ: Վերջին անգամ դատապարտյալին էլեկտրական աթոռի վրա մահապատժի են ենթարկել 2013-ին, Վիրջինիա նահանգում:
