ԱՄՆ պետքարտուղար Մայք Փոմփեոն հայտարարել է, որ ՆԱՏՕ-ի կազմից Թուրքիայի դուրս գալը դաշինքի համար «անհաջողություն» կլինի: Tony Katz Today ռադիոշոուի հետ Փոմփեոյի հարցազրույցը հրապարակվել է պետքարտուղարության կայքում:
Պետքարտուղարը հույս է հայտնել, որ Թուրքիայի իշխանությունները կհասկանան. ԱՄՆ-ն առավել նախընտրելի դաշնակից է, քան Իրանը: Նա նաև խոստովանել է, որ Դոնալդ Թրամփի՝ նախագահի պաշտոնը ստաձնելու սկզբնական շրջանում ԱՄՆ-Թուրքիա հարաբերությունները բարդ էին՝ նշելով, որ վերջերս դրանք բարելավվել են:
«Եթե դա տեղի ունենար (ՆԱՏՕ-ի կազմից Թուրքիայի դուրս գալը), դա անհաջողություն կլիներ ՆԱՏՕ-ի, ԱՄՆ-ի համար, և ես կարծում եմ՝ դա ավելի անտանելի կլիներ Թուրքիայի ժողովրդի համար»,-եզրափակել է Փոմփեոն:
